AfriForum oortuig dat Malema-uitspraak haatspraak is: Dien hersieningsaansoek teen MRK-beslissing in

Written by AfriForum

On 05/02/2020

AfriForum het vandag ’n hersieningsaansoek by die Suid-Gautengse hoë hof ingedien teen die Menseregtekommissie (MRK) se bevinding dat Julius Malema, leier van die EFF, se uitsprake teen wit mense nie haatspraak is nie.

Dít volg nadat AfriForum in November 2016 ’n klagte by die MRK teen Malema ingedien het ná hy die volgende by ’n EFF-byeenkoms gesê het: “…They found peaceful Africans here. They killed them. They slaughtered them like animals. We are not calling for the slaughtering of white people, at least for now. What we are calling for is the peaceful occupation of the land and we don’t owe anyone an apology for that…”

“AfriForum kan nie die MRK se bevinding dat Malema se opmerkings nié haatspraak is nie, onbetwis laat nie. Malema se stellings voldoen volgens AfriForum aan al die vereistes vir haatspraak ingevolge die Wet op die Bevordering van Gelykheid en Voorkoming van Onbillike Diskriminasie, 2000 (wetno. 4 van 2000). Dit is kommerwekkend dat die MRK hom met hul bevinding beskerm en sulke uitlatings in wese regverdig, maar slegs as dit in ’n sekere konteks en deur sekere rasgroepe gemaak word,” sê Natasha Venter, veldtogbeampte by AfriForum.

Die MRK se bevinding is verder in kontras met ’n werksdokument van die Verenigde Nasies se Werksgroep oor Minderhede wat bepaal dat alle minderhede, ongeag hul finansiële welvaart al dan nie, se regte beskerm moet word.
AfriForum kan nie toelaat dat individue met politieke mag, soos Malema, wegkom met rassistiese uitlatings nie. Ondersteun AfriForum in hierdie stryd: SMS “Haatspraak” na 32782 (R1).

You May Also Like…

AfriForum gaan MRK-beslissing oor Malema-haatspraak beveg

AfriForum gaan die bevinding van die Menseregtekommissie (MRK) dat Julius Malema, leier van die EFF, se uitsprake teen wit mense nie op haatspraak neerkom nie in die hof betwis. Dit is vir die burgerregte-organisasie uiters kommerwekkend dat die MRK in wese blatante...

AfriForum wil Haatspraakwetsontwerp in parlement teenstaan

AfriForum het vandag tydens ’n konferensie aangekondig dat die burgerregte-organisasie ’n skriftelike betoog by die departement van justisie en grondwetlike ontwikkeling ingedien het teen die Wetsontwerp op die Voorkoming en Bestryding van Haatmisdade en -spraak (die...

Haatspraakwetsontwerp

Haatspraakwetsontwerp

Die voorgestelde Wetsontwerp op die Voorkoming en Bestryding van Haatmisdade en Haatspraak is vir kommentaar gepubliseer. AfriForum voel dat werklike haatmisdade en -spraak strafbaar moet wees, maar dat hierdie wetsontwerp die betekenis daarvan verwring. As die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!