AfriForum opponeer hofaansoek deur Nelson Mandela-stigting om ou vlag te verban

Written by AfriForum

On 05/02/2020

Die burgerregte-organisasie AfriForum gaan die Nelson Mandela-stigting (NMS) se hofaansoek teenstaan wat poog om die ou Suid-Afrikaanse vlag tot haatspraak te laat verklaar en verban. Dít volg nadat die NMS AfriForum as respondent tot hul aansoek gevoeg het. In sy teenkanting van hierdie saak sal AfriForum voorleggings maak om aan te dui dat dieselfde NMS-argumente netsowel aangevoer sou kon word om die Suid-Afrikaanse Kommunistiese Party- (SAKP-) en die ANC-vlag te laat verban.
Ernst Roets, adjunk- uitvoerende hoof van AfriForum, verduidelik dat AfriForum nie die ou vlag gebruik nie en dat dié organisasie se teenkanting van hierdie aansoek bloot op gesonde regsbeginsels en ’n pleidooi vir konsekwentheid geskoei is.

“Die NMS voer aan dat die vlag aanstootlik is en om daardie rede verban moet word. Aanstootlikheid is egter nie voldoende rede om ’n simbool te laat verban nie. Om die waarheid te sê, die wese van spraakvryheid is daarin gesetel dat mense soms aan aanstootlike standpunte blootgestel word.”

Met betrekking tot AfriForum se standpunt dat die NMS se argument ook tot die verbanning van die SAKP- en ANC-vlag sou kon lei, verduidelik Roets dat kommunistiese leiers soos Josef Stalin en Mao Zedong, wat deur ANC-gesinde organisasies as helde vereer word, moordveldtogte teen hulle opponente gevoer het.

“Na beraming is 100 miljoen mense regoor die wêreld in die naam van kommunisme vermoor. Selfs in Suid-Afrika is aansienlik meer mense in die naam van kommunisme en die ANC en SAKP se sogenaamde ‘people’s war’ teen mededingende swart organisasies doodgemaak, vergeleke die hoeveelheid wat in die naam van apartheid doodgemaak is. Vir elke persoon wat tydens apartheid deur die regering van die dag doodgemaak is, het rofweg 30 mense in die naam van die ‘people’s war’ gesterf.”
“Presies dieselfde argumente wat deur die NMS aangevoer word waarom die ou vlag verban moet word, sal dus gebruik kan word om die SAKP of selfs die ANC se vlag te verban,” verduidelik Roets. “Dit is egter nie die aangewese manier om op aanstootlikheid te reageer nie.”

You May Also Like…

AfriForum: Nelson Mandela-stigting is oneerlik; speel polariserende rol

AfriForum: Nelson Mandela-stigting is oneerlik; speel polariserende rol

Die burgerregteorganisasie AfriForum beskuldig die Nelson Mandela-stigting (NMS) daarvan dat dié stigting tans ’n polariserende rol speel, oneerlik is en in die proses ernstig afbreek doen aan oudpresident Nelson Mandela se beeld as versoener. AfriForum doen ’n beroep...

Uitspraak voorbehou in minagtingsklag teen Ernst Roets

Uitspraak voorbehou in minagtingsklag teen Ernst Roets

Ernst Roets, hoof van beleid en aksie by AfriForum, se weergawe dat hy die ou vlag in Augustus vir “akademiese doeleindes” in ’n twiet gebruik en ’n vraag daarby gestel het, behoort aanvaar te word, het adv. Cedric Puckrin vandag namens hom in die Johannesburgse...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!